Llionés nas escuelas
El llionés ye una de las muitas llinguas que, según l’Atlas de las llinguas en peligru del mundu de la Unesco, está en peligru d’extinción. N’España una situación compartida col aragonés. Asina, el llionés está catalogáu cumo seriamente amenazáu, con poucos falantes, na mayoría personas mayores y con una transmisión interxeneracional que prácticamente nun existe.
Una situación que se torna daveras dramática si tenemos en cuenta que la pérdida d’una llingua nun significa solo la desaparición d’una forma de comunicación, tamién son vehículos de tradición, historia y memoria colectiva. Cada llingua lleva consigo una cosmovisión particular, valores y formas d’entender el mediu que t’arrodia que difícilmente puede expresase de la mesma manera n’outra distinta.
La nuesa realidá lingüística nun ye ayena al contextu internacional, pues outras llinguas minoritarias viven una situación asemeyada y están en serio peligru d’extinción. Estímase que de las 7.000 llinguas que se falan no mundu, casi la metá podrían desaparecer nos próximos 100 años. Un feitu que significaría una enorme pérdida de patrimoniu cultural qu’atesoura la Humanidá.
Una de las actuaciones que podemos llevar a cabu, dende esta pequeña parte del mundu que ye Llión, ye presionar a las instituciones pa llevar l’enseñu del llionés al ámbitu educativu, siendo esto una ferramienta fundamental pa la supervivencia de la llingua, pero tamién pa la conservación de la cultura y la identidá llionesas. Por eillo, son de valorar los últimos esfuercios feitos pol Institutu Llionés de Cultura, pues dende esta institución llionesa tienen a disposición de docentes y escolares unas unidades didácticas específicas sobre l’asturllionés, explicando qué ye, cúmo naz, cuál foi’l sou territoriu históricu, qué desenvolvimientu literariu tuvo y qué rasgos y soníos-ye son propios. Creyando asina unos recursos pedagóxicos que buscan enseñar la llingua y, con eillo, espertar nos estudiantes un interés pola cultura, la historia y las tradiciones llionesas.
Apoyu institucional crucial
L'apoyu institucional ye crucial pa caltener y normalizar la llingua. Nesti sentíu, quien tien un papel fundamental, pero a la vez exerce una gran desidia, ye la Xunta de Castiella y Llión, institución que tien las competencias en materia educativa, los recursos y la capacidá de desenvolver el currículu escolar nas diferentes etapas del sistema educativu. Ante la desdexación de funciones de la comunidá autónoma nesta cuestión –pues l’artículu 5.2 del Estatutu d’Autonomía diz bien craro que “el llionés será obxectu de protección específica por parte de las instituciones”– estamos depositando l’enseñu del llionés na voluntá de los centros educativos y de los mayestros interesaos na cultura llionesa.
Por outra parte, nun se tien qu’infravalorar el papel de la sociedá. La revitalización del llionés nun ye namás un llabor de las instituciones, sinon que precisa de la participación de las familias, asociaciones culturales y outros autores locales. Normalizar el llionés en tolos ámbitos ye un pasu crucial pa garantizar la sua transmisión a las xeneraciones futuras. Nesti sentíu, la llingua tien qu’usase en distintos ámbitos. En definitiva, ser un elementu que forme parte de la identidá de los falantes y que pueda usase en varios contextos sociales y familiares.
En curtiu, el llionés ye muito más qu’un vehículu de comunicación, ye un legáu cultural que sobrevivíu siegros y qu’anguaño enfréntase al retu de la supervivencia. La sua presencia nas escuelas ufierta una oportunidá única pa que las xeneraciones futuras coñozan y valoren una parte esencial del sou patrimoniu cultural. Ye un esfuerciu d’autoridades y sociedá caltener viva la cultura y la historia del País Llionés, ente eillos la llingua, y asina siguir apurriendo la nuesa pequeña aportación al ricu mosaicu lingüísticu y cultural d’España.
