¿Qué podemos celebrar si estamos pior qu'hai 40 años? Esto se pregunta Alantre sobro l'autonomía de Castiella y Llión
Pendones por San Froilán en León.
Nesti 40 cabudañu de l'antidemocrática creación d'esta Comunidá Autónoma, dende Alantre queremos amosar la nuesa visión d'outra rialidá: la Comunidá Autónoma del País Llionés.
Estos años dienon cumo resultáu una Comunidá Autónoma tolada, fallida, desvertebrada, centralista y xeneradora de desigualdades. D'esti xeitu debemos reclamar aqueillu que nos correspuende. Nun tenemos na que celebrar y muitu que reconstruir.
Necesitamos una fuercia progresista propia y nun sucursales de partíos que responden a intereses ayenos. Queremos aportar las nuevas soluciones, apricar el nuesu potencial y desarrollar el nuesu futuru. Dexemos de ser una colonia subordinada a un “interés xeneral”; que tien mui poucu de “interés” y mui poucu de “xeneral” pa todos nosoutros y nosoutras.
Queremos una Comunidá más democrática y tresparente, onde podamos vivir con dignidá. Nun aceptamos el “todo val” d'un modelu qu'esfarrapia la nuesa población, anoxa la nuesa identidá y niega la nuesa voluntá. ¡Basta ya d'engañanos!
Dende éstas llíneas, facemos sonar las campanas a Conceyu. Chamamos a tódalas personas que-ys manque está sociedá impuesta y faigamos rialidá la fras del nuesu compañeiru fundador, Lolo: “la política, ou la facemos nosoutros ou vendrán outros foriatos a imponela”.
